ချစ်သူ ..
နွေဦးရဲ့ သစ်ရွက်ခြောက်လေးတွေ ကြွေလွင့်နေတဲ့
လမ်းကျဉ်းလေးထဲမှာ .. တူတူလမ်းလျှောက်ချင်တယ်
ချစ်သူ ..
မိုးတွေရွာနေတဲ့ အချိန်လေးမှာ
မိုးရေစက်လေးတွေကို .. တူတူရေတွက်ကြည့်ချင်တယ်
ချစ်သူ ..
အေးချမ်းတဲ့ ဆောင်းညတွေမှာ
နွေးထွေးမှုတွေနဲ့ တို့အတူရှိနေချင်တယ်
ချစ်သူ ..
ငှက်ကလေးတွေ အော်မြည်တဲ့နေခြည်ဖြာတဲ့
နံနက်ခင်းတိုင်းကို .. မင်းနဲ့ကြိုဆိုချင်တယ်
ချစ်သူ ..
ကြယ်တွေစုံလင်တဲ့ညမှာ
ကြည်လင်နေတဲ့ကောင်းကင်ကြီးကို.. တို့တူတူမော့ကြည့်ချင်တယ်
ချစ်သူ
သာယာမှုတွေ ချိုမြိန်မှုတွေပျော်ရွှင်မှုတွေ
ကြည်နူးမှုတွေ လှပခြင်းတွေအားလုံး
မင်းနဲ့တူတူခံစားချင်တယ်
ဒါပေမဲ့ …..
ချစ်သူ ..
ကန္တာရဆူခင်းလမ်းတွေ .. ခြောက်သွေ့မှုတွေ
ဝမ်းနည်းမှုတွေ .. မျက်ရည်တွေ.. ကျရှုံးမှုတွေ
ကြမ်းတမ်းခက်ခဲမှုတွေ .. ချောက်ကမ္ဘားတွေ
ဒါတွေ ရင်ဆိုင်ဖို့ မင်း မလိုက်ခဲ့ပါနဲ့ ..
ကိုတစ်ယောက်ထဲ ရင်ဆိုင်ကျော်ဖြတ်ပြီး
မင်းဆီကို အရောက်ပြန်လာခဲ့ပါရစေ ..
ကိုရဲ့ အမြတ်နိုးဆုံး မင်းကို
သိပ်ချစ်လွန်းလို့ပါ ……
No comments:
Post a Comment